वापराच्या अटी

ही सेवा काय आहे

वर्गणी हे मंडळाचा जमा-खर्च नोंदवण्याचं साधन आहे. काय जमा झालं आणि काय खर्च झालं ते लिहायला आणि देणगीदारांना पावत्या द्यायला ते मदत करतं.

ते ऑडिटर, हिशोबनीस, कायदेशीर किंवा करविषयक सल्ला नाही. तुमच्या नोंदी तुमच्या जबाबदाऱ्या पूर्ण करतात का हे तुमची समिती आणि तुमचा ऑडिटर ठरवतील.

तुमच्या मंडळाचा पैसा आम्ही कधीच ठेवत नाही, हलवत नाही किंवा स्वीकारत नाही. देणगी थेट देणगीदार आणि ती घेणारा यांच्यात होते.

तुमचं खातं

तुम्ही Google खात्याने साइन इन करता आणि त्यातून काय होतं याची जबाबदारी तुमची. ते खातं दुसऱ्या कुणाकडे गेलं असं वाटलं तर लगेच आम्हाला कळवा.

मंडळ तयार करणारी व्यक्ती सुपर अ‍ॅडमिन होते आणि कोण सामील होईल व प्रत्येकाला काय करता येईल हे ठरवते. सदस्याला मान्यता देणं हा तुमचा निर्णय आहे, आणि त्यांना नंतर काय दिसेल हाही.

तुम्ही जे नोंदवता

तुमच्या मंडळाच्या नोंदी तुमच्याच आहेत. त्या बरोबर असणं, आणि देणगीदाराचं नाव व मोबाईल क्रमांक नोंदवण्याचा योग्य आधार असणं ही तुमची जबाबदारी.

देणगीदाराचा मोबाईल क्रमांक टाकून तुम्ही सांगता की त्यांना WhatsApp वर पावती मिळायला हरकत नाही.

बेकायदेशीर काही नोंदवण्यासाठी, किंवा देणगीदाराला पावतीव्यतिरिक्त काही पाठवण्यासाठी ही सेवा वापरणार नाही असं तुम्ही मान्य करता.

प्लॅन आणि पेमेंट

आर्थिक वर्षात ₹५०,००० पर्यंत जमा करणारं मंडळ काहीच भरत नाही. त्यावर, नवीन नोंदी चालू राहण्यासाठी तुमच्या वार्षिक जमेला साजेसा प्लॅन लागतो.

प्लॅन सुरू होतो त्या दिवसापासून एक वर्ष चालतो, आर्थिक वर्षअखेरीपर्यंत नाही. आपोआप नूतनीकरण होत नाही आणि कार्ड तपशील साठवला जात नाही.

प्लॅन संपल्यावर मंडळ मोफत स्तरावर परत येतं. प्रत्येक नोंद, अहवाल आणि पावती जशीच्या तशी राहते.

दर भारतीय रुपयांत आहेत आणि बदलू शकतात. बदलाचा परिणाम आधीच भरलेल्या प्लॅनवर कधीच होत नाही.

उपलब्धता

सेवा चालू ठेवण्यासाठी आम्ही प्रयत्नशील असतो, पण ती कधीच बंद पडणार नाही असं वचन देत नाही. अ‍ॅप ऑफलाइन नोंद करतं आणि शक्य होताच जुळवून घेतं.

पावती पोहोचवणं WhatsApp वर अवलंबून आहे, जे आमच्या हातात नाही. संदेश पोहोचला नाही तर पावतीचं क्रेडिट परत मिळतं आणि पावती तुम्ही स्वतः शेअर करू शकता.

थांबवणं

तुम्ही कधीही सेवा वापरणं थांबवू शकता, आणि सुपर अ‍ॅडमिन अ‍ॅपमधूनच मंडळ बंद करू शकतो.

बेकायदेशीर वापरासाठी किंवा देणगीदारांना त्रास देण्यासाठी वापरलं जाणारं खातं आम्ही थांबवू शकतो. शक्य असेल तिथे कारण आधी सांगू.

जबाबदारीची मर्यादा

सेवा जशी आहे तशी दिली जाते. कायदा परवानगी देईल तिथपर्यंत, अप्रत्यक्ष किंवा परिणामी नुकसानीस आम्ही जबाबदार नाही.

जिथे जबाबदारी टाळता येत नाही, तिथे ती दाव्याच्या आधीच्या बारा महिन्यांत तुमच्या मंडळाने आम्हाला दिलेल्या रकमेपुरती मर्यादित आहे.

लागू कायदा

या अटी भारतीय कायद्यांनुसार आहेत आणि महाराष्ट्रातील न्यायालयांच्या कक्षेत येतात.